Mae Hyb Cymunedol a Theuluol Penyrenglyn yn cael ei redeg gan Caroline Jones a Jonathan Bundy, sydd ill dau wedi gweithio yn y gymuned ers blynyddoedd lawer yn darparu cefnogaeth, ysbrydoliaeth ac anogaeth i bobl sy’n dod i’r ganolfan.

Mae ein rhaglen o weithgareddau yn yr hyb yn digwydd ar ddydd Mawrth, dydd Mercher a dydd Iau ac mae’n agored i bawb. Dros y tri diwrnod hyn rydym yn darparu pob math o weithgareddau a chyfleoedd i bobl o bob oed, o glybiau chwarae ar ôl ysgol i blant i ddosbarthiadau celf i bobl hŷn. I blant a phobl ifanc sy’n mynychu ein sesiynau chwarae ac ieuenctid ar ôl ysgol, rydym yn darparu pryd o fwyd poeth yn ogystal â chyfle i ymlacio, cymdeithasu a datblygu diddordebau a sgiliau newydd.

Pan fydd y tywydd yn caniatáu, rydym yn cynnal gweithgareddau yn yr awyr agored i wneud y gorau o’n hamgylchoedd anhygoel ac yn cael tripiau rheolaidd i’r sinema, yr Iard Chwarae a’r Gŵyr i aros ym Mryn Gwyn Bach.

I gael manylion am yr hyn sydd ymlaen yn Hyb Penyrenglyn bob wythnos, cymerwch olwg ar yr amserlen isod.