Mae Hyb Cymunedol a Theuluol Pen-y-graig yn cael ei redeg gan Debra Jones sydd wedi gweithio yn y gymuned ers blynyddoedd lawer yn darparu cefnogaeth, ysbrydoliaeth ac anogaeth i bobl sy’n ymweld â’r ganolfan.

Cynhelir ein rhaglen o weithgareddau o ddydd Llun i ddydd Gwener ac mae’n agored i bawb. Yn ystod yr wythnos rydym yn darparu pob math o weithgareddau a chyfleoedd i bobl o bob oed: plant yn dod i glybiau ar ôl ysgol a chlybiau ieuenctid; teuluoedd yn mynychu sesiynau lles a phobl hŷn yn mynychu dosbarthiadau celf. I blant a phobl ifanc sy’n mynychu ein sesiynau chwarae ac ieuenctid ar ôl ysgol, rydym yn darparu byrbrydau yn ogystal â chyfle i ymlacio, cymdeithasu a datblygu diddordebau a sgiliau newydd.

I gael manylion am yr hyn sydd ymlaen yn SOAR bob wythnos, gweler yr amserlen isod.