Mae gan Plant y Cymoedd brosiect Celfyddydau Ieuenctid pwrpasol o’r enw Sparc, sydd â thîm o ymarferwyr celfyddydau ieuenctid a chelfyddyd ddigidol medrus a chymwysa gweithiwn gyda phobl ifanc mewn amrywiaeth o leoliadau. Gan ddefnyddio technegau creadigol mae’r plant a’r bobl ifanc yn archwilio gwahanol feysydd yn eu bywydau eu hunain a bywydau pobl eraill mewn ffordd gadarnhaol.

Mae tîm Sparc yn rhan gynhenid o’r gwaith datblygu cymunedol yn Plant y Cymoedd.

Mae Sparc yn cael ei redeg yn bennaf gan weithwyr celf ieuenctid a hyfforddwyd yn broffesiynol ac a ddaeth i weithdai drama a theatr ieuenctid eu hunain pan oedden nhw’n blant, neu oedd yn dod o’r ardal ac y gwirfoddoli. Maen nhw’n deall o’r tu mewn y gwahaniaeth y gall y celfyddydau ei wneud o ran newid bywydau, ac maen nhw wedi dychwelyd i drosglwyddo’u profiad, gwybodaeth ac arbenigedd. Mae’r gweithwyr celf ieuenctid yn deall y rhwystrau y gall pobl ifanc eu hwynebu wrth gael mynediad i’r celfyddydau ac maen nhw bob amser wrth law i gynnig cymorth pan fydd angen ac i annog pobl i gymryd rhan mewn ffordd sy’n gymorth iddyn nhw.

Mae pob gweithdy Sparc am ddim er mwyn sicrhau na fydd cost byth yn rhwystr i neb.

I ddarganfod mwy am Sparc, ewch i’r wefan https://sparc.wales/cy/hafan