Mae Plant y Cymoedd yn gweithio gyda phobl sy’n profi tlodi acíwt, ynysu cymdeithasol, profiadau niweidiol yn ystod plentyndod ac iechyd a lles gwael ac yn darparu ystod o raglenni a mesurau cymorth i helpu i roi diwedd ar gylchoedd o amddifadedd a darparu gobaith a chyfle i bobl mewn angen.  Ein gweledigaeth yw i unigolion wireddu potensial newid cymdeithasol trwy eu cyfranogiad, eu mynegiant a’u creadigaeth.

Gan ddefnyddio datblygiad cymunedol, chwarae, gwaith ieuenctid a methodoleg wedi’i llywio gan drawma yn ogystal â methodoleg gelfyddydol benodol ac eang, nod Plant y Cymoedd yw hwyluso a galluogi newid cadarnhaol yn y cymunedau rhithwir a’r cymunedau diriaethol lle rydym wedi’n gwreiddio ac yr ydym yn eu cefnogi.

Rydym yn ceisio gwelliannau mewn amgylchiadau cymdeithasol-economaidd, amgylcheddol a diwylliannol.

Fel endid “o’r crud i’r bedd” rydym yn dod â phobl ynghyd i ddatrys heriau cyfunol; gan wneud y mwyaf o arbenigedd unigolion a datblygu strategaethau ac atebion gydag ymagwedd sy’n canolbwyntio ar y dinesydd.

Mae’r fethodoleg hon yn seiliedig ar werthoedd dynol cyfiawnder cymdeithasol, tegwch a chynaliadwyedd (cymdeithasol, diwylliannol, economaidd a gwleidyddol).

Dylid cadw mewn cof mai “proses nid digwyddiad” yw’r fethodoleg hon a bod y prosesau hyn yn ceisio mynd i’r afael â thlodi, anghydraddoldeb a chamweithrediad systemig hanesyddol gan geisio trawsnewid cynaliadwy. Yn seiliedig ar ymagwedd sy’n canolbwyntio ar y dinesydd; gan ddechrau gyda’r unigolyn a’r hyn sy’n berthnasol ac yn bwysig iddyn nhw a’u cymuned.

O ganlyniad i’r gwerthoedd a’r fethodoleg hon, rydym yn meithrin perthnasoedd dibynadwy, yn bresennol mewn cymunedau, yn gofalu, yn parchu, yn gwrando, yn clywed ac yn cefnogi.

Rydym yn ceisio cydweithio, ysgogi, hwyluso, galluogi, grymuso, addysgu, eirioli a dysgu. Rydym yn gwneud hyn trwy ymgysylltu, ymgynghori, cyfranogiad, cyd-gynhyrchu, cyd-greu a datblygiad parhaus.