Mae ein gwaith yn cael ei yrru gan y gred bod gan bawb yr hawl i fyw bywyd boddhaus; mai cyfleoedd i brofi a dysgu pethau newydd, gyda chefnogaeth teuluoedd a chymunedau cryf, yw’r dulliau mwyaf pwerus o alluogi pobl o bob oed i wireddu eu potensial a byw bywydau diogel a hapus.
Rydym yn cefnogi ac yn cryfhau unigolion, teuluoedd a chymunedau trwy amrywiaeth o weithgareddau, rhaglenni a mentrau cymdeithasol. Bydd pobl yn adnabod ac yn defnyddio ein gwasanaethau eang am wahanol resymau, ond bydd un peth bob amser yn parhau i fod yn wir: rydym yn darparu amgylcheddau diogel, anfeirniadol a grymusol i bobl o bob oed wella eu hyder ac ansawdd eu bywyd.
Ein hamcan yw ailsefydlu ymdeimlad o berthyn, gobaith a chymhelliant ym mywydau’r rhai sy’n wynebu amgylchiadau anodd a rhwystrau i gefnogaeth. Byddwn yn cyflawni hyn drwy drin pawb ag urddas a pharch, darparu cymorth proffesiynol a chynhyrchiol, cydweithio â mudiadau o’r un anian, lledaenu llawenydd a phositifrwydd ym mhob elfen ar ein gwaith a pharhau i wrando, dysgu ac addasu.
