Mae ein darpariaeth chwarae yn galluogi plant i ddatblygu sgiliau creadigol, cymdeithasol ac arwain mewn gofod diogel sy’n annog creadigrwydd ac yn meithrin ymdeimlad o gymuned. Mae chwarae yn rhoi hyder iddynt yn eu galluoedd, ysbrydoliaeth a ffocws ar gyfer eu hegni, sydd oll yn cael effaith glir a chadarnhaol ar eu bywydau gartref ac yn yr ysgol.

Mae ein sesiynau ieuenctid yn rhoi lle i bobl ifanc fod yn nhw eu hunain a datblygu eu sgiliau cymdeithasol a’u hymdeimlad o hunaniaeth, gyda chefnogaeth staff a all eu helpu i ddod o hyd i atebion i’r cwestiynau sydd ganddynt a darparu mynediad at arbenigwyr allanol a all roi arweiniad iddynt ar bynciau fel perthnasoedd, iechyd rhywiol, iechyd meddwl a chamddefnyddio sylweddau. Mae’r prosiectau rydym yn eu cyflwyno gyda phobl ifanc wedi’u cynllunio i’w helpu i gynnal eu hymdeimlad o bositifrwydd, chwilfrydedd ac uchelgais tra’n eu galluogi i ennill y sgiliau bywyd y bydd eu hangen arnynt fel oedolyn.

Mae ein cefnogaeth i deuluoedd yn cryfhau’r berthynas rhwng rhieni a phlant trwy wella eu hyder a’u dealltwriaeth o wahanol ymddygiadau. Mae’r cyrsiau cymorth trawma rydym yn eu darparu yn rhoi’r anogaeth a’r offer sydd eu hangen ar deuluoedd i wella o’u profiadau a rheoli eu heffaith. Mae dod â phlant a rhieni ynghyd i helpu i ddod o hyd i atebion i broblemau, gan sicrhau bywydau hapusach a dyfodol cadarnhaol i bob aelod o’r teulu, yn egwyddor sy’n llywio ein holl raglenni teuluol.

.

Mae ein rhaglen ar gyfer pobl hŷn yn eu galluogi i deimlo’n gysylltiedig, eu bod yn cael eu gwerthfawrogi ac i ddarganfod diddordebau a brwdfrydedd newydd. Mae’n atal unigedd a’r effaith y gall hyn ei chael ar iechyd meddwl a chorfforol trwy annog cysylltiadau cryf a chyfeillgarwch cefnogol ymhlith grwpiau cyfoedion.

Mae ein rhaglenni celfyddydol yn galluogi pobl i ddarganfod gweithgareddau creadigol, fel cyfranogwyr ac fel aelodau o’r gynulleidfa, ac elwa ar yr ymdeimlad gwell o les, cysylltiad, a dilysiad y gall y celfyddydau ei gynnig. Mae ein prosiect celfyddydau ieuenctid Sparc yn rhoi cyfleoedd i bobl ifanc fynegi eu hunain yn greadigol, dysgu am a phrofi gwahanol fathau o gelfyddyd ac i elwa ar yr ystod eang o sgiliau bywyd y gall y celfyddydau helpu i’w meithrin.

Mae rhai, sydd wedi datblygu angerdd arbennig dros y celfyddydau perfformio, wedi cael cymorth i fynd i Addysg Uwch ac maent bellach wedi dychwelyd i’r gymuned i sefydlu eu prosiectau celfyddydol eu hunain a gweithio gyda Plant y Cymoedd i feithrin cenedlaethau newydd o berfformwyr ifanc. Mae ein rhaglen celfyddydau gweledol, a arweinir gan ein hartist preswyl, yn darparu cyfleoedd i bobl archwilio eu creadigrwydd eu hunain, cyrchu sefydliadau a phrosiectau celfyddydol cenedlaethol a churadu eu harddangosfeydd eu hunain mewn oriel broffesiynol.