Dechreuodd eu taith yma gyda gweledigaeth a rennir ar gyfer y rôl y gellir ei chwarae mewn cymdeithas gan ddatblygiad cymunedol ar lawr gwlad. Gan ddechrau gyda Phrosiect Seler Pen-y-graig ym 1977, gyda’r nod o helpu pobl ifanc sydd mewn perygl o fynd i drafferthion difrifol, maen nhw wedi adeiladu ein helusen o’r gwaelod i fyny. Am byth yn arloeswyr, fe wnaethon nhw ein llywio i mewn i ddarpariaeth gwasanaethau rhagorol mewn meysydd fel chwarae, gwaith ieuenctid, y celfyddydau, llesiant cymunedol, a dulliau therapiwtig – gan gyffwrdd â miloedd o fywydau. 

Bu Margaret a Richard yn allweddol yn natblygiad ac ehangiad Plant y Cymoedd, gan helpu i lunio’r gwerthoedd a’r rhaglenni a fyddai’n ei wneud yn berthnasol ar draws amrywiaeth o ardaloedd. Gwnaethant ymroi eu gyrfaoedd a’u bywydau i feithrin dull unigryw o gefnogi a grymuso unigolion, teuluoedd, a chymunedau trwy ddeall ac ymateb i anghenion lleol. Roedd yn cynnwys darparu “cyfeillgarwch proffesiynol” i bawb a rhoi rôl ganolog i wirfoddolwyr. Gan weithio mewn partneriaeth yn lleol ac yn genedlaethol i ddarparu cyfleoedd o bob math, buont yn gymorth i greu cysylltiadau cryf a pharhaol â sefydliadau eraill megis y cyngor lleol, Llywodraeth Cymru, Canolfan y Mileniwm, y Tate, a’r Academi Frenhinol. Roedd unigolion yn amrywio o’r Arglwydd Hunt i’r Archesgob Desmond Tutu yn rhan o’r weledigaeth hon ac yn cefnogi Plant y Cymoedd. 

Rydym yn hynod ddiolchgar i Margaret a Richard am eu harweinyddiaeth, eu doethineb, a’r oriau di-ri y maent wedi’u neilltuo i wneud Plant y Cymoedd yr hyn ydyw heddiw. Gyda diolch a pharch, rydym i gyd yn cydnabod y cyfraniad unigryw y maent wedi’i wneud dros bron i bum degawd – cyfnod a nodweddir gan wasanaeth ymroddedig ac ymrwymiad diwyro i’n cenhadaeth. Mae eu hetifeddiaeth yn un o dosturi, gwydnwch, ac effaith ddofn wrth feithrin llesiant, creu cyfleoedd a dod â bywyd newydd i rai o adeiladau mwyaf eiconig y Rhondda. 

Dywedodd Phil Evans, Cadeirydd Bwrdd Ymddiriedolwyr Plant y Cymoedd: “Ymunwch â mi i fynegi ein diolch twymgalon i Richard a Margaret. Dymunwn bob llwyddiant a hapusrwydd iddynt yn eu hymddeoliad haeddiannol iawn. I ni, maent yn cynrychioli popeth sy’n eithriadol am y trydydd sector, yn enwedig ei wydnwch yn wyneb heriau ariannu a’r ffordd y mae’n uno pobl o bob cefndir y tu ôl i achosion mawr sydd o fudd i’r rhai sy’n wynebu trafferthion ac adfyd. Wrth i’n sefydliad barhau i addasu i fyd sy’n newid, un lle mae’r angen i ymgysylltu â chymunedau mor ddifrifol ag erioed, byddwn yn ymdrechu i sicrhau y bydd eu hetifeddiaeth a’u hesiampl yn parhau i fod wrth galon Plant y Cymoedd a’i waith.”